Mynd byggð á bók Nesbö

Martin Scorsese hefur verið ráðinn leikstjóri glæpamyndarinnar The Snowman sem Working Title Films framleiðir. Myndin er byggð á glæpasögu Jo Nesbö og fjallar um baráttu norska rannsóknarlögreglumannsins Harry Hole við að klófesta morðingja sem er kallaður Snjómaðurinn. Ef myndinni gengur vel vestanhafs er líklegt að fleiri myndir byggðar á sögum Nesbö verði framleiddar, en hann hefur samið átta glæpasögur með Hole sem aðalpersónu. Stutt er síðan norska myndin Headhunters var frumsýnd, en hún er gerð eftir skáldsögu Nesbö.