Hvað ertu að pæla og þú sem ert nýtrúlofuð?

Sjónvarpsstjarnan Kim Kardashian, 30 ára, er sögð hafa haldið framhjá unnusta sínum, körfuboltastjörnunni Kris Humphries, með NFL spilaranum Bret Lockett.

Kim og Kris trúlofuðu sig í lok maí eftir aðeins sex mánaða kynni en 20,5 karata demantstrúlofunarhringurinn sem Kris gaf henni kostaði litlar 228 milljónir íslenskar krónur. Trúlofunarhringinn má skoða í myndasafni.

Það svoleiðis sýður á Kim yfir forsíðufréttinni sem hún segir vera bull frá a-ö. Kim er staðráðin í að kæra InTouch tímaritið, sem stendur við fréttina. Hún ætlar líka að kæra Bret Lockett sem lét hafa eftirfarandi eftir sér:

Ég vissi að þetta var leikur í hennar huga. Hún þvingaði mig til að vera með sér!