Eignaðist stúlku

Poppsöngkonan Pink eignaðist sitt fyrsta barn í fyrrinótt og greindi sjálf frá því á samskiptavefsíðunni Twitter skömmu síðar. „Við erum í skýjunum yfir fæðingu litlu fallegu stúlkunnar okkar, Willow Sage Hart. Hún er gullfalleg eins og pabbi hennar."

 

Barnsfaðir og eiginmaður Pink er mótorkross-atvinnumaðurinn Carey Hart, en þau hafa verið par síðan árið 2001. Pink vissi ekki kynið á barninu fyrir fæðingu og talaði opinskátt um það í viðtalsþætti Ellen DeGeneres á síðasta ári að henni þætti óþægilegt að almenningur væri að fylgjast með óléttunni. „Ég er mjög stressuð en vona að ég eigi eftir að standa mig í foreldrahlutverkinu."