Ný tónlist Jónsa fær glimrandi dóma

Jónsi fær góða dóma á bandarísku tónlistarsíðunni Pitchfork fyrir tónlist sína við kvikmyndina We Bought a Zoo. Platan fær sjö í einkunn af tíu mögulegum.

Gagnrýnandinn segir Jónsa vera undir áhrifum frá sólóplötu sinni Go og að strengja- og lúðraútsetningar Nico Muhly séu smekklegar. Einnig segir hann melódíuna í einu laginu líkjast hinu sígilda jólalagi White Christmas.

Hægt er að hlusta á eitt lag af plötunni og lesa lofsöng Camerons Crowe um Jónsa hér á heimasíðu NPR.

We Bought a Zoo í leikstjórn Crowe verður frumsýnd vestanhafs 23. desember og fara Matt Damon og Scarlett Johansson með aðalhlutverkin. - fb