Biel stjórnar sambandinu

Þegar Justin Timberlake og Jessica Biel tóku aftur saman eftir fimm mánaða hlé á sambandinu töldu flestir vina þeirra að loksins væri komið að því að þau myndu ganga í það heilaga. Timberlake er hins vegar tregur til, því hann heldur að hjónaband myndi hafa skaðleg áhrif á feril hans, sem byggist mikið á vinsældum hans hjá kvenþjóðinni.

Haft var eftir vini parsins að Biel hefði þó tögl og hagldir í þessu máli sem öðrum, eftir að hún fyrirgaf Timberlake fyrir framhjáhaldið sem olli skilnaði þeirra fyrr á árinu. Ef hún myndi hóta að yfirgefa Timberlake myndi hann stökkva til og giftast henni.