Eru eins og gömul hjón

Robert Pattinson og Kristen Stewart eru ung að árum en haga sér þrátt fyrir það eins og gömul hjón, ef marka má nýjustu sögusagnir. Parið eyðir mestum tíma sínum með fjölskyldunni og veit fátt betra en rólegt kvöld fyrir framan sjónvarpið.

Pattinson og Stewart kynntust við tökur á kvikmyndinni Twilight og hafa verið saman í tvö ár. „Þeim finnst gaman að fara heim til foreldra Kristinar og elda stórmáltíðir með fjölskyldunni. Þau spauga með það að þau hagi sér nú þegar eins og gömul hjón,“ var haft eftir heimildarmanni.