Björgvin leitar að ungum söngvara í Íslandi í dag

Eins og Fréttablaðið greindi frá fyrir helgi verður háð mikið stríð um jólatónleikagesti í desember þegar bæði Björgvin Halldórsson og Frostrósir halda tónleika sína sama daginn.

En ríkir líka samkeppni á öðrum vígstöðvum því Björgvin leitar að ungum söngvara til að taka þátt í tónleikunum og fær sá heppni að syngja með helstu poppstjörnum landsins. Leitin verður sýnd í Íslandi í dag og þar gefst fólki kærkomið tækifæri til að sjá sjálfan Bó sitja í dómarasætinu. -fgg