Kærir gallabuxnaframleiðanda

Raunveruleikastjarnan Kim Kardashian hefur kært gallabuxnaframleiðandann Old Navy vegna auglýsingar þar sem tvífari hennar sést spóka sig um í gallabuxum frá fyrirtækinu.

Söngkonan Melissa Molinaro fer með aðalhlutverkið í auglýsingunni og er óneitanlega mikill svipur með þeim stöllum. Molinaro þessi er jafnframt kærasta ruðningskappans Reggie Bush, sem eitt sinn var trúlofaður Kardashian. Í kærunni stendur að Kardashian sé auðþekkjanleg fyrir útlit sitt og fatastíl og að í auglýsingunni sé verið að gera út á þessi persónueinkenni. Stjarnan fer fram á tæpa tvö milljarða í skaðabætur.