Nýr Bourne á leiðinni

Leikarinn Edward Norton er orðaður við hlutverk illmennis í myndinni The Bourne Legacy. Norton er með myndir á borð við American History X og The Fight Club á ferilskránni og því alls ekki óvanur að bregða sér í hlutverk illmennis.

The Bourne Legacy er fjórða myndin í Bourne-seríunni en sú fyrsta sem skartar ekki Matt Damon í hlutverki Jason Bourne. Í þetta sinn er það leikarinn Jeremy Renner sem fer með aðalhlutverkið með leikkonuna Rachel Weisz sér við hlið. Myndin fer í tökur með haustinu.