Justin í dópi

Poppstjarnan Justin Timberlake viðurkennir í fyrsta sinn eiturlyfjanotkun sína í viðtali sem birtist í síðasta tölublaði Playboy-tímaritsins. Timberlake, sem fram að þessu hefur þótt til fyrirmyndar, segist hafa verið háður marijúana stóran hluta árs 2003.

Á þeim tíma var popparinn tekinn í gegn af Ashton Kutcher í sjónvarpsþættinum Punk"d og viðurkennir Timberlake að þar hafi hann komið fram undir áhrifum ofangreinds eiturlyfs.

Timberlake gefur hins vegar ekkert út að hann ætli að hætta þessari ólöglegu iðju í bráð þótt hann segist hafa minnkað reykingarnar til muna.