Coppola eins og afi minn

Hin unga Elle Fanning fer með eitt aðalhlutverkið í kvikmyndinni Super 8 sem frumsýnd var vestanhafs á dögunum. Fanning er dugleg að veita viðtöl til að kynna kvikmyndina og í einu slíku segist hún líta á leikstjórann Francis Ford Coppola sem afa sinn.

„Mér finnst eins og hann sé ítalski afi minn. Hann hefur gefið mér nokkur góð ráð og eitt þeirra var að elska það sem ég geri. Hann sagði að maður geti ekki leikið fyrir neinn nema sjálfan sig. Og það er satt!“ sagði Fanning.