Engin fýla hjá Lopez

Benny Medina, umboðsmaður söng-og leikkonunnar Jennifer Lopez, vísar því á bug að honum og bílstjóra Lopez hafi sinnast með þeim afleiðingum að bílstjórinn hafi sagt upp og strunsað í burtu. Sjónarvottar sáu Medina og bílstjórann hnakkrífast og setti rifrildið nokkuð ljótan blett á kvöldið, samkvæmt bandaríska blaðinu New York Post.

Atburðurinn á að hafa átt sér stað þegar Lopez mætti ásamt manni sínum og systur og áðurnefndum umboðsmanni á góðgerðarsamkomu í New York. „Allt gekk mjög vel, kvöldið var mjög jákvætt og það safnaðist mjög mikið af peningum,“ segir Medina í samtali við slúðursíðu New York Post, PageSix.