Kennir Cage um hegðun sonarins

Sonur leikarans Nicolas Cage var færður á geðsjúkrahús í vikunni eftir að hann sturlaðist á veitingastað og lét það bitna á einkaþjálfara sínum.

Christina Fulton, móðir drengsins, var hjá honum kvöldið eftir að atburðurinn átti sér stað og kom skilaboðum til Cage þegar hún kom út og mætti blaðamönnum og ljósmyndurum. Hún sagði að það væri engum öðrum en Cage að kenna að sonur þeirra væri svo illa haldinn. Þá sagði hún að Cage væri hræðileg fyrirmynd.

Ljóst er að nokkuð er til í fullyrðingum Fulton um að Cage sé ekki til fyrirmyndar, en undarleg hegðun hans hefur oft komist í fjölmiðla.