Ástfangnir leikarar

Enn og aftur hefur sést til leikaranna Leonardo DiCaprio og Blake Lively eyða kvöldstund saman. Parið sást leiðast um götur Monte Carlo í byrjun vikunnar og þykir það vera staðfesting á sambandi þeirra.

Tímaritið US Weekly birti myndir af parinu þar sem þau gengu hönd í hönd um götur Monte Carlo og að sögn sjónarvotta virtust þau afskaplega ástfangin. „Leo virtist mjög ástfanginn og það lifnaði yfir henni í hvert sinn sem hún leit á hann. Hann kynnti hana sem kærustu sína þannig þau eru greinilega mjög hrifin,“ var haft eftir heimildarmanni.