Vill heita karlmenn

Söngkonan Rihanna prýðir forsíðu júlíútgáfu tímaritsins Cosmopolitan. Þar ræðir hún meðal annars um ástina og hvað heillar hana mest í fari karlmanna. Rihanna segist helst vilja kærasta sína heita og karlmannlega en að hún sætti sig þó einnig við ljúfmenni.

„Það er ýmislegt sem heillar mig í fari karlmanna. Það gæti verið útlitið eða gáfur. Ég er opin fyrir ástinni en maðurinn verður þó að vinna fyrir ást minni, því annars missi ég áhugann. Menn eru eins og veiðimenn, þeim finnst eltingaleikurinn skemmtilegur og þess vegna má maður ekki vera fljótfær. Reyndar er ég alveg eins, ég fæ fljótt leið á hlutum, þannig ef maður getur fengið mig til að hlæja er ég sátt,“ sagði poppprinsessan.