Styttist í Hobbitann

Tilkynnt hafa verið nöfn og útgáfudagar tveggja kvikmynda byggðra á bók JRR Tolkien, Hobbitanum.

Fyrri myndin kallast The Hobbit: An Unexpected Journey og verður frumsýnd í desember á næsta ári. Sú síðari nefnist The Hobbit; There and Back Again og verður sýnd ári síðar. Tökur á myndunum á Nýja-Sjálandi töfðust vegna deilna um laun leikaranna og veikinda leikstjórans Peters Jackson.

Með aðalhlutverk í myndunum, sem gerast á undan Hringadróttinssögu, fer Martin Freeman sem Bilbó Baggi. Einnig munu Sir Ian McKellen og Elijah Wood snúa aftur sem Gandálfur og Fróði. Sir Christopher Lee kemur einnig við sögu, auk þess sem Andy Serkis endurtekur hlutverk sitt sem óvætturinn Gollrir.