Þurfti að pissa í sjóinn

Leikaralífinu fylgir ekki bara glamúr og rauðir dreglar en því fékk spænska leikkonan Penelope Cruz að kynnast á meðan á tökum stóð á sjóræningjamyndinni Pirates of the Caribbean: On Stranger Tides.

Í viðtali við sænska blaðið Aftonbladet viðurkennir Cruz að hafa þurft að pissa í sjóinn á korters fresti enda nýbúin að komast að því að hún bæri barn undir belti.

„Senan sem var tekin upp á eyðieyju var erfiðust fyrir mig. Það var alltof heitt og engin klósett. Ég þurfti því að hlaupa út í sjóinn reglulega til að pissa," segir Cruz. Hún eignaðist soninn Leo í byrjun janúar með leikaranum Javier Bardem.