Ekki búinn að jafna sig

Leikarinn Ryan Reynolds er ekki búinn að jafna sig á skilnaðinum við leikkonuna Scarlett Johansson.

 

„Það er sársaukafullt fyrir alla að ganga í gegnum skilnað en hlutirnir lagast á endanum. Ég er ekki búinn að jafna mig sjálfur, alls ekki,“ sagði Reynolds. Hann er ánægður með að skilnaðurinn við Scarlett, sem er nú í sambandi með leikaranum Sean Penn, var á góðu nótunum. Hinn 34 ára Reynolds ætlar að vera laus og liðugur á næstunni.

 

„Ég hef engan áhuga á að fara á stefnumót. Ég hef verið í samböndum samfleytt síðan í menntaskóla og það er fínt að slaka aðeins á núna.“