Vildi ekki barn

Kimberly Stewart á von á barni með leikaranum Benicio del Toro seinna á árinu. Stewart ætlar að ala barnið upp ein og herma heimildir að del Toro sé alls ekki ánægður með fréttirnar.

„Benicio var ekki ánægður með fréttirnar. Hann hefur engan áhuga á að festa ráð sitt og vildi aldrei eignast börn. Hann gerði Kimberly það fullkomlega ljóst að samband þeirra yrði aldrei meira en einnar nætur gaman,“ var haft eftir heimildarmanni. Stewart ætlast þó ekki til þess að del Toro aðstoði hana við uppeldið og nýtur mikils stuðnings fjölskyldu sinnar.

Það má þó spyrja sig af hverju del Toro heimtaði ekki að fá að nota verjur fyrst hann er svo mótfallinn barneignum.