Vísar á bug kynlífssögu

Michael Stipe, söngvari bandarísku hljómsveitarinnar R.E.M., vísar því á bug að hann hafi átt ástarfund með Kurt Cobain, látnum söngvara Nirvana. Þeir félagar áttu í nánu vinasambandi í kringum tíunda áratug síðustu aldar og sá orðrómur gekk fjöllum hærra að þeir ættu í ástarsambandi.

 

„Cobain var virkilega indæll maður en við vorum aldrei elskhugar,“ segir Stipe við New York Post. Stipe reyndi árangurslaust að fá Cobain til að syngja með sér inn á smáskifu dagana áður en Cobain svipti sig lífi.