Launin lækkuð um 300 þúsund

Vilhjálmur Þ. Vilhjálmsson, sem ráðinn hefur verið framkvæmdastjóri Hjúkrunarheimilanna Eirar og Skjóls út þetta sumar, fær 300 þúsund krónum lægri laun en forveri hans í starfi. Vilhjálmur fær og greidda aksturspeninga fyrir notkun á eigin bíl samkvæmt akstursbók en ekki fasta 200 þúsund króna greiðslu á mánuði eins og var. Að frátöldum greiðslum fyrir akstur verða mánaðarlaun Vilhjálms 920 þúsund krónur.

Eins og fram hefur komið í Fréttablaðinu segist Vilhjálmur ekki hafa sóst eftir starfinu og ætlar ekki að sækja um þegar starfið verður auglýst innan tíðar.- gar