Aflandskrónum komið í vinnu

Seðlabankinn áformar að efna til uppboðs á erlendum gjaldeyri fyrir eigendur aflandskróna. Um tilraunaverkefni er að ræða og verða lágar fjárhæðir boðnar upp, að sögn Más Guðmundssonar seðlabankastjóra.

Már fjallaði um bankakreppuna, gjaldeyrishöftin og afnám þeirra í erindi á ráðstefnu evrópskrar rannsóknarmiðstöðvar í Brussel í gær. Bloomberg-fréttastofan hefur eftir seðlabankastjóranum að uppboðið sé hluti af afnámi haftanna og vonist hann til að þær leiði til þess að örva hér fjárfestingu.

Már sagðist vona að fyrsta uppboðið verði auglýst innan tveggja vikna en útilokaði ekki að það yrði gert á föstudag. - jab