Larry David í The Stooges

Larry David úr þáttunum Curb Your Enthusiasm mun að öllum líkindum bætast við leikaralið gamanmyndarinnar The Three Stooges. David mun þá leika nunnuna Mengele sem rekur munaðarleysingjahæli þar sem vitleysingjarnir The Stooges vaxa úr grasi. Framleiðsla á myndinni hefst síðar í þessum mánuði.

Farrelly-bræður leikstýra myndinni, sem er byggð á vinsælum Stooges-myndum sem fyrst litu dagsins ljós á fyrri hluta síðustu aldar. Farrelly-bræðurnir eru þekktir fyrir myndir á borð við Dumb and Dumber, There"s Something About Mary og Kingpin.