Hitar upp fyrir Hjaltalín

Tónlistarmaðurinn Snorri Helgason, sem sló í gegn í Sprengjuhöllinni, hitar upp fyrir Hjaltalín á tónleikaferð sveitarinnar um Evrópu sem hefst á föstudag.

„Ég hlakka mikið til. Ég fer á staði sem ég hef aldrei heimsótt áður og ég get ekki beðið eftir að spila nýju lögin mín og fá viðbrögð frá áhorfendum," segir Snorri.

Hann hefur lokið upptökum á sinni annarri sólóplötu og kemur hún líklega út í sumar. Honum til aðstoðar við upptökurnar var Sindri Már Sigfússon úr hljómsveitunum Seabear og Sin Fang.

Hér fyrir ofan má sjá myndband við eitt af nýrri lögum Snorra, Ólán.