Herjólfur strandaði næstum með 300 manns um borð

Talið er að snarræði skipstjóra Herjólfs hafi komið í veg fyrir að skipið strandaði í innsiglingunni við Landeyjarhöfn á sunnudag fyrir viku. Samkvæmt upplýsingum frá Rannsóknarnefnd sjóslysa fékk skipið sjó undir sig að aftan og snerist um 30 gráður í innsiglingunni. Skipstjóra tókst að snúa skipinu við áður en það kom inn í innsiglinguna. Rannsóknarnefnd sjóslysa er rétt að byrja að skoða málið og safnar nú göngum. Um 300 manns voru í Herjólfi þegar óhappið varð.

Fréttastofa RÚV hefur eftir Siglingastofnun að Herjólfur hafi allan tímann verið í öruggri fjarlægð frá varnargarðinum. Minnst hafi verið um 140 metrar milli skips og garðs. Ákveðnar aðstæður hafi hins vegar leitt til þess að erfitt hafi verið að stjórna skipinu.