Akureyringur vann 9 milljónir á skafmiða

Hann var heppinn Akureyringurinn sem keypti sér „7,9,13“ skafmiða á dögunum í Hagkaup á Akureyri. Því á miðanum leyndist 9 milljón króna vinningur.

Í tilkynningu frá Happadrætti Háskóla Íslands segir að hann hafi varlað trúað sínum eigin augum þegar hann skóf miðann. Vinningshafinn segir að níu milljónirnar muni koma að góðum notum við að gera upp gamalt hús sem hann á en einnig ætlar hann að leyfa börnunum sínum að nóta góðs af honum.

Í tilkynningunni segir að enn séu tveir risavinningar eftir í þessum vinsæla leik Happaþrennunnar, en eins og nafnið gefur til kynna eru hæstu vinningarnir 7, 9 og 13.