Allt í lagi með Groban

Það fór um marga aðdáendur Josh Groban þegar hann frestaði tónleikum sínum í Suður-Karólínu á þriðjudag. Í ljós kom að Groban hafði fengið heiftarlega matareitrun en söngvarinn sýndi af sér fádæma hörku og mætti strax aftur til leiks degi seinna í Duluth í Georgiu.

Groban, sem hefur haldið tónleika hér á Íslandi, upplýsti áhorfendur í Duluth um að hans hefðu beðið handskrifuð skilaboð frá bandarísku súperstjörnunni Katy Perry inni í búningsherbergi í Duluth. Perry hafði verið að spila á sama stað kvöldið áður. Groban birti mynd af skilaboðunum, sem voru frekar einföld: „Hæ J.G. Gangi þér vel. K.P.“