Cage og Perlman massa miðaldirnar

Ein þeirra mynda sem er frumsýnd um helgina er ævintýramyndin Season of the Witch með Nicholas Cage og Ron Perlman í aðalhlutverki. Þess ber að geta að Atli Örvarsson samdi tónlistina fyrir myndina.

Myndin fjallar um riddarana Behmen og Felson sem snýr aftur til heimalandsins eftir krossferð til Jerúsalem en þegar heim er komið er Svarti dauði að ganga af þjóðinni dauðri.

Kirkjan kennir göldrum um pláguna og skipar Behmen og Felson að flytja unga konu sem er grunuð um að vera norn til afskekkts klausturs. Eins og áhorfendur grunar gengur ferðin ekki áfallalaust.