Ósátt við unnustann

Söngkonan Jessica Simpson þolir ekki hversu snemma unnusti hennar, fyrrverandi fótboltakappinn Eric Johnson, vaknar. Johnson, sem er atvinnulaus, vaknar klukkan hálf sex á morgnana til þess að mæta í ræktina.

„Hann vaknar eldsnemma, fer í ræktina og svo beint í golf. Á kvöldin fer hann svo snemma í háttinn og Jessica þolir þetta ekki. Hún skaffar peningana en hann pínir hana til að vakna eldsnemma og eyðir svo því sem eftir lifir dags í að leika sér,“ var haft eftir innanbúðarmanni en parið hyggst gifta sig þann 11. nóvember.