Kardashian með fjórum funheitum systrum sínum

Verðlaunahátíðin Teen Choice Awards var haldin um helgina í Los Angeles og voru þær margar stjörnurnar sem prýddu rauða dregilinn.

Kim Kardashian mætti á rauða dregilinn með allar systur sínar upp á arminn, Khloe og Kourtney, auk þeirra Kendall og Kylie Jenner. Jenner-systurnar eru hálfsystur Kim og nýjustu stjörnur fjölskyldunnar.

Að þessu sinni var það kærustuparið Selena Gomez og Justin Bieber sem fór heim með flestu „brimbrettin", sem eru verðlaunagripir hátíðarinnar. Selena og Justin, sem eru eitt heitasta parið í Hollywood þessa stundina, voru innileg hvort við annað og vakti söngvarinn vinsæli athygli í bleikri skyrtu og leðurvesti.

Teen Choice Awards er hátíð sem haldin er á vegum sjónvarpsstöðvarinnar Fox, þar sem áhorfendur á aldursbilinu 13-19 ára kjósa þá sem hafa skarað fram úr í tónlist, tísku, leiklist og íþróttum á árinu.