Vildi skilja um jólin

Jennifer Lopez var orðin óhamingjusöm í hjónabandi sínu töluvert áður en hún sótti um skilnað. Lopez ætlaði að ljúka sambandinu um síðustu jól en Marc Anthony taldi hana á að leita til hjónabandsráðgjafa til að halda sambandinu gangandi.

„Það var margt að sambandinu. Þau voru hætt að tala saman og Marc vildi frekar dytta að leikfangalestum sínum en að eyða tíma með fjölskyldunni. Hann hélt líka framhjá henni og þegar Jennifer komst að því vildi hún enda sambandið strax. Marc grátbað hana um að gefa honum annað tækifæri og þau sóttu saman hjónaráðgjöf. Hún elskaði hann virkilega mikið og vildi reyna að bjarga sambandinu en því var ekki viðbjargandi,“ hafði tímaritið US Weekly eftir heimildarmanni. Parið á saman tvíburana Emme og Max sem fæddust í febrúar árið 2008.