Fann ástina á ný

Leikkonan Eva Longoria er trúlofuð kærasta sínum, Eduardo Cruz, eftir aðeins sex mánaða samband. Eduardo þessi er yngsti bróðir leikkonunnar Penelope Cruz. Cruz bað sinnar heittelskuðu í júlí er þau voru í fríi á Marbella á Spáni ásamt systur hans og eiginmanni hennar, Javier Bardem. Samkvæmt heimildarmönnum er fyrirhugað brúðkaup síðar á árinu. „Eftir bónorðið stukku þau í saman í sjóinn. Þau voru mjög hamingjusöm. Þau hafa fundið sálufélaga sinn hvort í öðru,“ var haft eftir innanbúðarmanni.