Idol gaur ástfanginn af Twilight stjörnu

Paul McDonald, 26 ára, sem var rekinn úr American Idol í gærkvöldi og Twilight leikkonan Nikki Reed, 22 ára, eru yfir sig ástfangin.

„Já ég og Nikki erum að hittast. Það er opinbert," sagði Paul í gær í viðtali á sjónvarpsstöðinni E!

„Hún er mjög kúl. Hún er klár og ég er svo ánægður með það. Við höfum verið saman undanfarið þrátt fyrir að hafa nóg að gera."

Paul viðurkennir að Nikki er á bömmer yfir því að hann var rekinn úr þættinum í gærkvöldi en hún sjái jákvæðu hliðarnar á brottrekstrinum.

„Hún sagði við mig: Gaur ekki örvænta. Nú getur þú loksins verið þú sjálfur og gert það sem þú vilt gera og verið listamaðurinn sem þú sannarlega ert," útskýrði Paul.