Nevermind í nýrri útgáfu

Viðhafnarútgáfa af Nevermind með Nirvana kemur út 19. september, 20 árum eftir að upphaflega platan kom út. Fjórir geisladiskar og einn mynddiskur fylgja með pakkanum. Þar verða áður óútgefin lög, B-hliðalög, tónleikaupptökur og fleira góðgæti.

Á mynddisknum verða tónleikar með Nirvana sem hafa aldrei áður verið gefnir út. Nevermind hefur selst í rúmum þrjátíu milljónum eintaka. Hún náði efsta sætinu á Billboard-listanum í Bandaríkjunum en sjöunda sæti í Bretlandi. Forsprakkinn Kurt Cobain framdi sjálfvíg þremur árum eftir útgáfuna.