Útskrifuð af gjörgæslu

Kona sem lá á gjörgæslu í nótt eftir umferðarslys á Gullinbrú um miðjan dag í gær er nú útskrifuð af deildinni. Samkvæmt upplýsingum frá vakthafandi lækni er ástand hennar stöðugt.

Fjórir voru fluttir á slysadeild en beita þurfti klippum til að ná tveimur farþegana út.

Slysið varð með þeim hætti að ökumaður annars bílsins missti stjórn á bíl sínum og lenti á hinum sem var að koma úr gagnstæðri átt. Vettvangur bar með sér að bíllinn hafi verið á mikill ferð og orðið stjórnlaus vegna vatns sem liggur í hjólförum.

Báðir bílarnir voru afskráðir sem tjónabílar og fluttir af vettvangi með kranabíl.