Hlustaði á Bítlana

Poppdívan Lady Gaga segir foreldra sína hafa kynnt fyrir henni tónlist Bítlanna og Led Zeppelin þegar hún var lítil. Tónlistarsmekkur foreldranna hafi mótað hennar eigin smekk. „Foreldrar mínir kynntu mig fyrir laginu Signed, Sealed, Delivered með Stevie Wonder og fyrir Bítlunum þegar ég var yngri,“ sagði hún. „Vel valið, mamma og pabbi. Þið gátuð ekki látið mig hlusta á Bítlana, Steve Wonder, Bruce Springsteen, Pink Floyd, Led Zeppelin og Elton John án þess að búast við því að ég yrði eins og ég er.“