Sigur fyrir jafnréttið

Popparinn og leikarinn Justin Timberlake er ánægður með að ráðamenn í New York hafi samþykkt frumvarp um að leyfa hjónabönd samkynhneigðra í ríkinu. Ríkið varð það sjötta í Bandaríkjunum til að leyfa slík hjónabönd.

„Ég er mjög ánægður með þetta. Fólk er eins misjafnt og það er margt. Við eigum að sameinast um það sem er öðruvísi við okkur og ekki vera hrædd við eitthvað sem við þekkjum ekki,“ sagði Timberlake. „Margir vina minna eru samkynhneigðir. Tveir bestu vina minna eru par. Þetta er mikill sigur fyrir jafnréttið. Ég er stoltur af því að New York hafi haft hugrekki til að gera hið rétta í stöðunni.“