Eyðsluklóin Bieber

Ungstirnið Justin Bieber er einn ríkasti unglingur heims en samkvæmt heimildum fer hann mjög óskynsamlega með fé sitt. Samkvæmt The National Enquirer eyðir hann miklum peningum í að dekra við kærustu sína, söngkonuna Selenu Gomez.

„Hann hefur eytt gríðarlegum upphæðum undanfarna mánuði. Hann pantar einkaþotur svo hann geti hitt hana og tæmir heilu blómabúðirnar til að gleðja hana. Eins og það sé ekki nóg þá bauð hann henni til New York í júní þar sem hann eyddi meira en þremur milljónum í gjafir og föt handa Selenu. Svo bauð hann henni með sér til The Hamptons þar sem þau gistu á lúxushóteli allan tímann,“ sagði innanbúðarmaðurinn sem hefur áhyggjur af því að Bieber muni standa uppi slyppur og snauður haldi hann áfram eyðslunni.