Paul Young er hófsöm poppstjarna

Enska eitís-stjarnan Paul Young er væntanleg hingað þann 4.október en Young heldur tónleika í Eldborgarsal Hörpunnar. Söngvarinn hyggst flytja alla sína bestu smelli og má búast við mikilli stemningu.

Young er hins vegar ekki með neinar stórvægilegar kröfur varðandi eigin aðbúnað, hann hefur til að mynda ekki óskað eftir svítu né herbergi fyrir aðstoðarmann sinn en slíkt er víst ákaflega algengt hjá þeim stjörnum sem hingað koma.

Young langar einungis það eitt að komast á veitingastað sem býður uppá ferskan íslenskan fisk en Young er mikill matgæðingur eins og kom fram í helgarviðtali Fréttablaðsins við söngvarann. -fgg