Svifu í dans og söng yfir höfðum áhorfenda

Mörg þúsund manns fylgdust með Fæðingu Venusar á Austurvelli í dag þegar Listahátíð í Reykjavík hófst. Þar var á ferðinni útisýning katalónska fjöllistahópsins La Fura dels Baus sem naut aðstoðar yfir 60 Íslendinga en um óvenjulegan gjörning var að ræða.

Hluti af sýningunni fór fram í háloftunum þegar tugir íslenskra sjálfboðaliða voru hífðir upp tugi metra í loftið, og svifu í dans og söng yfir höfðum áhorfenda sem fögnuðu vel að sýningu lokinni.

Sjón er sögu ríkari. Hægt er að horfa á myndband frá útisýningunni hér.