Efaðist aldrei um Clooney

Einn nánasti vinur bandaríska leikarans George Clooney segist aldrei hafa haft trú á því að samband hans og Elisabettu Canalis myndi endast. Leikarinn sé svo harðákveðinn í því að giftast aldrei aftur né eignast börn. Canalis og Clooney slitu samvistum fyrir skemmstu eftir tveggja ára samband.

Manuele Malenotti var maðurinn á bak við samband Clooney og Canalis, hann kom leikaranum og sjónvarpskonuna saman. „Ég vissi að þetta ætti eftir að renna út í sandinn en ég gerði bara eins og George bað mig um að gera, hann vildi hitta hana og ég hlýddi honum bara,“ segir Malenotti við ítalska blaðið Chi. Malenotti og Clooney hafa þekkst í tíu ár og unnið saman að góðgerðarmálum. „Ég hitti hann oftast af þeim Hollywood-stjörnum sem ég þekki.“

Malenotti vísaði því jafnframt á bug að samband Clooney og Canalis hefði verið blekking og yfirvarp fyrir þá staðreynd að Clooney væri hommi. „Ég kom þeim saman, ég sá þau saman og ég veit hversu ástfangin þau voru. Þau áttu margar góðar stundir. Ég hef þekkt George í tíu ár og það hafa margar konur komið við sögu á þeim tíma. Auðvitað geta menn átt í ýmiss konar tilvistarkreppum en Clooney er ekki hommi.“