Lára Rúnars slær í gegn í Hollandi

Frammistaða tónlistarkonunnar Láru Rúnarsdóttur á Eurosonic í Hollandi er sögð einn af hápunktum hátíðarinnar á síðu breska tónlistartímaritsins Clash.

Þar segir að Lára sé heillandi listamaður og útlit hennar og klæðnaður hennar hafi fangað athyglina undir eins. Lögin hennar hafi verið bæði létt og skemmtileg og gaman hafi verið að dansa við þau.

Lára er að hefja upptökur á sinni fjórðu plötu og er hún væntanleg síðar á þessu ári.

Hér fyrir ofan má sjá hana flytja lagið Surprise á Airwaves-hátíðinni í haust.