Borga fyrir jarðarförina

Mick Jagger og Keith Richards úr The Rolling Stones ætla að borga allan kostnaðinn vegna jarðarfarar blúsgoðsagnarinnar Hubert Sumlin. Hann lést á dögunum, áttræður að aldri, eftir að hafa fengið hjartaáfall.

Jagger var á meðal þeirra fyrstu sem vottuðu Sumlin virðingu sína og sagði hann hafa verið mikinn innblástur á tónlistarferli sínum. Richards spilaði á plötu Sumlins, Them Shoes, sem kom út fyrir fimm árum. Kona Sumlins, Toni Ann, er afar ánægð með Rollingana. „Aðdáendur Huberts, Mick Jagger og Keith Richards, krefjast þess að fá að borga jarðarfararkostnaðinn. Guð blessi Rolling Stones.“