Einkadóttir Stalins látin

Einkadóttir einræðisherrans Josefs Stalin er látin, 85 ára að aldri. Svetlana Alliluyeva, sem einnig bar nafnið Lana Peters, lést í Wisconsin þann 22. nóvember síðastliðinn. Bandarísk yfirvöld hafa staðfest lát hennar við fréttaritara BBC í Rússlandi. Peters sneri baki við kommúnismanum eftir að sovéskir kommúnistar drápu manninn sem hún elskaði.

Þegar Peters sneri baki við Sovétríkjunum árið 1967 notuðu Bandaríkjamenn það óspart í áróðursstríði milli stórveldanna tveggja. Peters skrifaði fjórar bækur um endurminningar sínar frá Rússlandi. Skuggi föður hennar fylgdi henni samt alla tíð, að hennar eigin sögn.

Josef Stalin dó 1953.