Ha var brúðkaupið flipp á fylleríi?

American Pie leikkonan Tara Reid, 35 ára, hætti í febrúar á þessu ári með danska viðskiptamanninum Michael Lillelund eftir þriggja mánaða samband en í meðfylgjandi myndasafni má sjá þau svartklædd saman í París.

Tara, sem hefur átt við áfengisvandamál að stríða í gegnum tíðina, giftist skyndilega manni að nafni Zack Kehayov þar síðustu helgi í Grikklandi.

Daninn kom af fjöllum spurður hvort hann hafi gifst Töru en lét hafa eftir sér að hann væri ekki sá heppni og óskaði nýgiftum hjónum góðs gengis.

Meðfylgjandi má sjá myndir sem leikkonan póstaði á Twitter síðunni sinni úr brúðkaupsferðinni en margir sem þekkja til hennar vilja meina að hún líti ekki út fyrir að vera edrú á myndunum.

Nýtrúlofuð! skrifaði Tara á Twitter og aðeins klukkustund síðar póstaði hún eftirfarandi: Nýgift í Grikklandi. Ég elska að vera eiginkona!