Stöðugt í megrun

Meðfylgjandi má sjá myndir af sextánföldum Grammyverðlaunahafa, söngkonunni Beyonce Knowles, sem Forbes tímaritið útnefnir áhrifamestu söngkonu heims.

En hún er alltaf í megrun. Hún passar stöðugt upp á mataræðið og leyfir sér sárasjaldan að njóta þess að fá sér uppáhaldið sitt, ís.

Þegar orðin Beyonce og megrun eru slegin inn á Google leitarvélina koma upp uppskriftir af djús sem hún þambar þegar hún vill léttast hratt. Þá blandar hún saman sítrónusafa og cayenne pipar sem er sérstök tegund af chilidufti. Það er mjög svipað á bragðið og af svipuðum styrkleika og hefðbundið chili en duftið er fíngerðara.

Hún náði að létta sig á skjömmum tíma fyrir hlutverk sitt í Dreamgirls með því að lifa á þessari blöndu í heila tíu daga án þess að borða mat samhliða hreinsuninni eða öllu heldur sveltinu.

Þá dansar hún og hleypur á hverjum degi, reynir allt hvað hún getur til að sleppa kolvetnisríkum mat og leggur áherslu á litríka litla matarskammta. Hún sneyðir alfarið fram hjá brauði, víni og rauðu kjöti.

Beyonce verður pirruð og leið þegar hún fer á djúskúrinn og hugsar ekki um annað en mat. Hún hefur viðurkennt opinberlega að þegar hún hættir í djúsþambinu og byrjar að borða á ný hlaðast kílóin á hana enn fleiri en áður og hratt.