Ætla að bæta fjórða vörubílnum við selflutningana

Til stendur að bæta fjórða sérútbúna vörubílnum við selflutningana og hefur tekist að útvega enn öflugri langferðabifreið í flutninga með fólk yfir Múlakvísl samkvæmt stöðumati Almannavarna um ástandið í Múlakvísl.

Bílarnir eru í stöðugum flutningum yfir ána. Selflutningarnir hefjast að öllu jöfnu, ef aðstæður leyfa, klukkan 7 á morgnana og standa til a.m.k klukkan 23.

Vegagerðin hefur útbúið öflugra vað á Múlakvísl eftir óhappið, sem varð í gær þegar rúta með ferðamenn festist í ánni. Jarðýta er stöðugt í vaðinu til að tryggja öryggi bifreiða.

Vegagerðarinnar unnið allan sólarhringinn við gerð bráðabirgðabrúar og gengur verkið vel samkvæmt stöðumatinu.