"Ég myndi taka skot ef ég væri ekki í háum hælum“

Vilhjálmur Bretaprins og eiginkona hans Kate Middleton létu fara vel um sig í Kanada á dögunum en þar heimsóttu þau gesti og gangandi í bænum Yellowknife.

Þau hitti hokkí-liðið í bænum og tóku örstuttan leik með þeim. Samkvæmt fréttum tók hann þrjú skot en ekkert þeirra fór í markið. Haft er eftir prinsinum að hann hafi þá sagt við markmanninn: „Þú verður að átta þig á því að þú verður að láta einn fara inn."

En markmaðurinn gaf sig ekki þrátt fyrir að hertoginn af Cambridge væri að skjóta á hann, heldur varði öll skotin frá prinsinum. „Hann leit út fyrir að vita hvað hann væri að gera og ég held að hann gæti alveg orðið góður ef hann myndi æfa sig meira," sagði markmaðurinn við fjölmiðla sem fylgdust spenntir með kappleiknum.

Á meðan prinsinn skaut af krafti og svitnaði í hitanum, stóð Kate Middleton til hliðar og fylgdist með. „Ég myndi taka skot ef ég væri ekki í háum hælum" á prinsessan að hafa sagt við unglingana þegar þeir buðu henni að vera með.