Minnihlutaflokkarnir í borgarstjórn Reykjavíkur segja hvergi sjáist þess merki að undurbúningur á rannsókn á starfsemi Orkuveitu Reykjavíkur sé hafinn. Tveir mánuðir eru frá því að Jón Gnarr, borgarstjóri, greindi frá því að ráðist yrði í víðtæka rannsókn á því hvað fór úrskeiðis í rekstri Orkuveitunnar. Slík rannsókn var sögð nauðsynleg til að skapa frið um fyrirtækið, eyða tortryggni og auka traust. Jón lagði áherslu á að flýta þyrfti þessari vinnu.
Borgarráðsfulltrúar Sjálfstæðisflokks og Vinstri grænna lögðu fram fyrirspurn um málið á fundi borgarráðs í gær og kröfuðust svara. „Borgarráð hefur engar upplýsingar fengið og hvergi sjást þess merki að undirbúningur úttektanna sé hafinn. Borgarráðsfulltrúar Sjálfstæðisflokks og Vinstri Grænna spyrja því: Hvað líður þessari vinnu?“
Í samtali við fréttastofu á mánudaginn sagði Dagur B. Eggertsson, formaður borgarráðs, vinnu við að skipa starfshópinn hafa tekið lengri tíma en ætlað var. Eðlilegt væri að undirbúningur við mál af þessari stærðargráðu tæki tíma enda þyrfti að vanda hvert skref.
Spyrjast fyrir um Orkuveiturannsókn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
