Lögreglan lýsir eftir Stefaníu Casöndru

Lögreglan á Suðurnesjum lýsir eftir Stefaníu Casöndru Guðmundsdóttur,  Garðbraut 72, Garði. Stefanía er svarthærð og um 170 sentimetrar á hæð. Að sögn lögreglu var hún klædd í svartar leggingsbuxur og hvíta peysu og í strigaskóm.

Stefanía fór frá heimili sínu sunnudagskvöldið 15 maí og hefur ekkert spurst til hennar síðan en lögregla telur líklegt að Stefanía haldi til í Reykjanesbæ.

Þeir sem verða varir við ferðir Stefaníu, vinsamlegast látið lögregluna á Suðurnesjum vita í síma 420-1800